Џон Бок
роден во 1965 година во Гибом, Германија; живее во Берлин
Волден, 2023
Реди-мејд: врамен отпечаток според цртеж од Софија Торо, кој се појавил како вињета на насловната страница на првото издание на „Волден, или живот во шумата“ од Хенри Дејвид Торо во 1854 година
ЕВН аквизиција 2023
Инв. бр. 0464
Делото „Колибата на Тед“ (анг. - TED-SHED) повторно го разгледува спектакуларниот случај на таканаречениот Унабомбер, Теодор Качински, кој користел пакет-бомби за осакатување и убивање луѓе во САД во 1980-тите и 1990-тите години. Качински, првично професор по математика, пишувал анархистички манифести во кои повикувал на сосема нов општествен поредок. Единствениот излез од доминантниот капиталистички систем што тој можел да го види бил неговото уништување. Повлекувајќи се како пустиник во колиба во шумата, оттаму, во текот на многу години, изведувал напади со писма-бомби, сè до неговото апсење во 1998 година и доживотната затворска казна. Вкупно три мотиви се повторуваат на тапетот: фоторобот на бараниот терорист, машината за пишување на Качински и кутија со разни реквизити за пакет-бомби. Позадината е нумеричка табела, список на броеви кој содржи скриена шифра. Во центарот на ѕидот обложен со тапет виси врамен цртеж на дрвена колиба во шумата. Во просторот помеѓу овие две спротивности – Качински, жигосан како терорист, и трансценденталистот Торо, кој уште во предмарксистичките времиња станал идол за либертаријанскиот, самодоволен и природен начин на живот, се создава наелектризирано поле на значење.читај повеќе
Познавачите ќе забележат дека сликата не ја прикажува колибата на Качински. Таа е репродукција на цртеж од книгата „Волден“ на Хенри Дејвид Торо од 1854 година. „Волден“ е едно од највлијателните дела во целата американска литература. Тоа послужило како инспирација и за еколошкото движење и за контракултурата од 1960-тите.Џон Бок, 2023
Превод: Пол Ричардс